नारायणगढ–मुग्लिन सडक खण्डमा पहिरो, सडक अवरुद्ध

   काठमाडौं । गएरातीदेखि भएको लगातारको वर्षाका कारण नारायणगढ–मुग्लिन सडकखण्डको इच्छाकामना गाउँपालिका–६, चारकिलोमा पहिरो खस्दा सवारी आवागमन प्रभावित बनेको छ ।

पहिरोका कारण सडक एकतर्फी मात्र सञ्चालनमा आएको जिल्ला प्रहरी कार्यालय, चितवनले जनाएको छ ।

पहिरो पन्छाउन जिल्ला प्रहरी कार्यालय र इलाका प्रहरी कार्यालय मुग्लिनबाट प्रहरी टोली परिचालन गरिए पनि वर्षाका कारण कठिनाइ भएको जिल्ल प्रहरी कार्यालय चितवनले जनाएको छ ।