हार्यो अमेरिका, हारे ट्रम्प : रौहानी

  काठमाडौं । मुलुककै शक्तिशाली राष्ट्र मानिएको अमेरिका पराजित भएको टिप्पणी हुन थालेको छ । इरानी राष्ट्रपति हसन रौहानीले अमेरिका आफ्नो देशसँग पराजित भएको टिप्पणी गरेसँगै अमेरिकाकै टिका टिप्पणी हुन थालेको छ ।

अमेरिका इरानसँगको आणविक सम्झौताबाट पछि हटेको उल्लेख गर्दै उनले त्यसलाई अमेरिकाको पराजयको संज्ञा दिए । आणविक सम्झौताबाट पछि हट्नु इस्लामिक गणतन्त्र इरानको अमेरिकासँगको ‘नैतिक एवम् वौद्धिक’ जीत भएको रौहानीको भनाइ छ । अमेरिकासहितका विश्वका छ शक्तिराष्ट्रहरू रूस, चीन, बेलायत, फ्रान्स र जर्मनीको पहलमा सन् २०१५ मा इरानसँग आणविक सम्झौता भएको थियो ।

तेहरानस्थित एक विश्वविद्यालयमा सम्बोधनका क्रममा रौहानीले भने–‘अन्तर्राष्ट्रिय जिम्मेवारीवोधबाट अमेरिकाको वैधानिक तथा राजनीतिक पराजय भएको छ । तर, हामीहरू सफल बनेका छौँ ।’

यता, अमेरिकी राष्ट्रपति डोनाल्ड ट्रम्पले भने वासिङटनले सन् २०१५ को आणविक सम्झौताबाट गत मे महिनामा पछि हट्नु र इरानविरुद्धको आर्थिक नाकावन्दी पुनः घोषणा गर्नुलाई ‘उचित निर्णय’ प्रतिक्रिया दिइरहेका छन् । अमेरिकाले इरानविरुद्धको पेट्रोलियम क्षेत्र र केन्द्रीय बैङ्कलाई लक्षित गरी लगाउने प्रतिबन्धलाई आगामी नोभेम्बर ५ सम्ममा सम्पन्न गर्ने बताउँदै आएको छ ।