पाकिस्तानी प्रधानमन्त्री प्रधानमन्त्री अब्बासी स्वदेश फिर्ता

काठमाडौं । दुई दिने नेपाल भ्रमण पूरा गरेर पाकिस्तानी प्रधानमन्त्री शाहीद खकान अब्बासी स्वदेश फर्किएका छन् । हिजो नेपाल आएका प्रधानमन्त्री अब्बासीले स्वदेश फर्कनु अघि राष्ट्रपति विद्यादेवी भण्डारीसँग शिष्टाचार भेट गरेका थिए । साथै मंगलबार विहान माओवादी अध्यक्ष प्रचण्डसहितका नेताहरुले अब्बासीलाई भेटेका थिए ।

अब्बासी सोमबार अपराहृन काठमाडौं आएका थिए । उनलाई टुँडिखेलमा गार्ड अफ अनर दिइएको थियो । सोमबार साँझ प्रधानमन्त्री केपी शर्मा ओली समकक्षी अब्बासीबीच भेटवार्ता भएको थियो ।

अब्बासीलार्इ विदाइ गर्न अर्थमन्त्री युवराज खतिवडा त्रिभुवन विमानस्थलसम्म पुगेका थिए । यस अघि सोमबार पनि अब्बासीलाई स्वागत गर्न पौडेल नै विमानस्थल पुगेका थिए ।