नविन ज्योतिका संस्थापक प्रधानाध्यापक महतो राष्ट्रिय शिक्षा सम्मानद्वारा सम्मानित

नविन ज्योति इङ्लिस स्कूलका संस्थापक प्रधानाध्यापक सुरेश महतो राष्ट्रिय शिक्षा सम्मान-२०८१ द्वारा सम्मानित भएका छन्।

फोकस नेपाल संस्थाद्वारा आयोजना गरिएको विशेष समारोहमा महतोलाई सम्मानित‌ गरिएको हो । कार्यक्रममा पूर्व प्रधानमन्त्री तथा नेकपा एकिकृत समाजवादीका सम्मानित नेता झलनाथ खनालले महतोलाई सम्मानित गरेका थिए । 

अत्यन्त निष्ठा र समर्पणका साथ विगत २५ वर्षदेखि शिक्षण पेशामा लागि शैक्षिक क्षेत्रको विकास र सामाजिक सेवामा पुर्याएको योगदानलाई कदर गर्दै उनलाई सो सम्मानबाट सम्मानित गरिएको संस्थाका अध्यक्ष रामचन्द्र पोखरेलले बताए ।