रिडभान  एकेडेमीका विद्यार्थीहरूले अवलोकन गरे चन्द्रागिरी थ्री डी म्युजियममा

काठमाडौ।
रिडभान  एकेडेमीका शिक्षक तथा विद्यार्थीहरुले चन्द्रागिरी थ्री डी म्युजियम पार्कको अवलोकन भ्रमण गरेका छन् ।

ललितपुरको गोदावरीमा रहेको यस एकेडेमीका शिक्षक तथा विद्यार्थीहरूले चन्द्रागिरी नगरपालिकामा रहेको चन्द्रागिरी थ्री डी आर्ट म्युजियम र थानकोट पार्कको शैक्षिक भ्रमण गरेका छन् । 

विद्यालयका शिक्षक मनिष खड्काको नेतृत्वमा गएको शिक्षक तथा विद्यार्थीहरूको समूहले सोमबार म्युजियममा  शैक्षिक भ्रमण गरेको हो ।

अवलोकन पश्चात् खड्काले म्युजियम विद्यार्थीहरूका लागि‌सिक्ने नयाँ स्थान भएको बताए। निकै कलात्मक रहेको  यस थ्री डी म्युजियम अवलोकन भ्रमण निकै रमाइलो भएको उनको भनाइ थियो । 

थ्री डी आर्ट म्युजियममा उनीहरूले  चित्रकलाका बारेमा जानकारी समेत लिएका थिए  । 
 
पछिल्लो समय म्युजियममा विद्यार्थीहरू तथा पारिवारिक र कर्पोरेट घुमघाम समेत हुँदै आएको छ ।  हालैमात्र म्युजियमले  आइएमइ पे वालेटबाटै म्युजियमको टिकट लिन सकिने समेत व्यवस्था गरेको छ।