कर्णाली याक्स एनपीएलको क्वालिफायरमा प्रवेश ,चितवन बाहिरियो

काठमाडौं । 
कर्णाली याक्स नेपाल प्रिमियर लिग (एनपीएल) को क्वालिफायरमा प्रवेश गरेको छ । कर्णालीले २१ रनको जितसँगै क्वालिफायरमा स्थान पक्का गरेको हो । हारसँगै चितवन भने प्रतियोगिताबाट बाहिरिएको छ । चितवनमाथि कर्णालीले २१ रनले जित हात पारेको हो। 

कर्णालीले दिएको १७६ रनको लक्ष्य पच्छ्याएको चितवनले निर्धारित २० ओभरमा नौ विकेट गुमाएर १५५ रन मात्रै बनाउन सक्यो । कर्णालीले अब आजै केही बेरपछि हुने पहिलो क्वालिफायर हार्ने टीमसँग खेल्ने छ । पहिलो क्वालिफायरमा आज सुदूरपश्चिम रोयल्स र जनकपुर बोल्ट्स भिड्दै छन् ।

क्वालिफायर १ मा जित्ने टोली सिधै फाइनलमा पुग्ने छ भने हार्नेका लागि अर्को एक मौका हुने छ । पुस ६ गते एनपीएल पहिलो संस्करणको फाइनल हुने छ ।