पोखरामाथि काठमाडौंको सहज जित, प्लेअफमा पुग्ने सम्भावना बलियो

काठमाडौं,
नेपाल प्रिमियर लिग (एनपीएल) क्रिकेटमा काठमाडौं गुर्खाजले तेस्रो जित निकालेको छ । काठमाडौमा जारि एनपीएलको आजको पहिलो खेलमा काठमाडौँ गुर्खाजले पोखरा एभेन्जर्सलाई पराजित गरेको हो । कीर्तिपुरस्थित त्रिवि क्रिकेट मैदानमा भएको खेलमा पोखरा एभेन्जर्सलाई ६ विकेटले हराउँदै काठमाडौंले सहज जित निकालेको हो । जितसँगै काठमाडौंले प्लेअफमा पुग्ने सम्भावना कायमै राखेको छ ।

पोखराले दिएको १३९ रनको लक्ष्य काठमाडौंले १४ ओभर १ बलमा ४ विकेटको क्षतिमा पूरा गर्‍यो ।

जितसँगै काठमाडौंले ६ खेलमा आठ अंक जोडेको छ । पराजित पोखराको समान खेलबाट चार अंक छ । पराजित भएको पोखराको पनि प्लेअफ प्रवेशको अंक गणितीय सम्भावना कायमै छ । पोखराको ६ खेलबाट ४ अंक छ ।