गृह जिल्ला जाँदै प्रधानमन्त्री ओली

काठमाडौँ । नेकपा एमालेका अध्यक्ष एवम् प्रधानमन्त्री केपी शर्मा ओली दुई दिने गृह जिल्ला भ्रमणका लागि आइतबार झापा जाने भएका छन् । जिल्लामा आयोजना गरिने विभिन्न कार्यक्रममा सहभागी हुन प्रधानमन्त्री झापा जाने तयारी भएको हो ।

मंसिर २३ र २४ गते झापामा आयोजना हुने कार्यक्रमहरुमा आउने प्रधानमन्त्री ओलीलाई जिल्लामा भव्य स्वागतको तयारी छ ।उक्त अवसरमा प्रधानमन्त्री ओलीले दमक विजनेश टावरको उद्घाटन गर्ने जनाइएको छ ।

त्यस्तै मानवसेवा आश्रम भवनको शिलान्यास तथा उद्घाटन गर्ने कार्यक्रम पनि रहेको छ ।असार ३० गते प्रधानमन्त्रीमा नियुक्त भए पछि ओली पहिलो पटक झापा आउन लागेका हुन् ।