अष्ट्रेलियाको टप रेडियो होस्ट यौन दुर्व्यवहारको आरोपमा पक्राउ

सिडनी ।  अष्ट्रेलियाको टप रेडियो होस्ट यौन दुर्व्यवहारको आरोपमा पक्राउ परेका छन ।बरिष्ठ अष्ट्रेलियाली प्रसारक र पूर्व वालाबिज प्रशिक्षक एलन जोन्सलाई यौन दुर्व्यवहारको आरोपमा पक्राउ गरिएको हो । 

उनी माथी लागेको आरोप पुष्टी हुने देखिए पछि पक्राउ गरिएको जनाइएको छ ।न्यू साउथ वेल्स प्रहरीका अनुसार बाल दुर्व्यवहार टोलीका जासूसहरूले उनको सम्पत्ति खोजी गर्नुका साथै सोमबार बिहान सिड्नीको सर्कुलर क्वेमा रहेको अपार्टमेन्टबाट ८४ वर्षीय चर्चित रेडियो होस्टलाइ नियन्त्रणमा लिएका हुन । 

२००१ देखी २०१९ को बीचमा उनले धेरै अभद्र आक्रमण र यौन दुर्ब्याहार गरेको आरोप लागेको थियो, जुन घटनाहरूको अनुसन्धान गर्न गत मार्चमा स्ट्राइक फोर्स स्थापना गरिएको थियो ।जोन्स अष्ट्रेलियाको सबैभन्दा प्रभावशाली मिडिया व्यक्तित्वहरू मध्ये एक मानिन्छन । पहिलेपटक सन २०२३ मा द सिड्नी मर्निंग हेराल्डद्वारा प्रकाशित यौन दुर्व्यवहार सबन्धित समाचारलाई उनले अस्वीकार गरेका थिए ।