अमेरिकामा संक्रमित संख्या ४० लाख नाघ्यो, दुई सातायताकै धेरै जनाको मृत्यु

काठमाडौं । अमेरिकामा कोरोना संक्रमितको संख्या ४० लाख नाघेको छ ।

पछिल्लो तथ्यांकअनुसार पछिल्लो २४ घन्टामा ६७ हजार १ सय ४० नयाँ संक्रमित थपिएसँगै अमेरिकामा ४० लाख २८ हजार ५ सय ६९ जना संक्रमित पुगेका हुन् ।

त्यस्तै अमेरिकामा करिब २ सातायतादेखि कोरोनाका कारण ज्यान गुमाउनेको संख्या एक हजार नाघेको छ ।

पछिल्लो २४ घन्टामा अमेरिकामा १ हजार १ सय १९ जनाको मृत्यु भएको छ । यससँगै हालसम्म अमेरिकामा कोरोनाका कारण ज्यान गुमाउनेको संख्या १ लाख ४४ हजार ९ सय ५३ पुगेको छ ।

अमेरिकामा हालसम्म १८ लाख ८६ हजार ५ सय ८३ जना कोरोनाुमक्त भइसकेका छन् ।