भ्रष्टाचारी मेरो तेरो जो भए पनि कारवाही हुनु पर्छ : नेता थापा

gagan

काठमाडौं -

नेपाली कांग्रेसका केन्द्रीय सदस्य गगनकुमार थापाले भ्रष्ट्राचार मुद्दामा दोषी देखिए जो कोहीलाई पनि कारवाही गर्न माग गरेका छन् । नेपाली कांग्रेस कालिका नगरपालिकाले आयोजना गरेको कार्यकर्ता भेटघाट तथा वनभोज कार्यक्रममा थापाले भ्रष्टाचार मुद्दामा दोषी सबैलाई मेरो तेरो नभनी कारवाही गर्न आग्रह गरेका हुन् ।

सरकारले ललिता निवासको जग्गाको विषयमा कांग्रेस उपसभापतिलाई मुद्दा दर्ता गरेर तत्कालीन प्रधानमन्त्रीलाई जोगाउन खोजेको उनको आरोप छ । 'ललिता निवासको जग्गाको विषयमा फाइल उठाएर लैजाने मन्त्रीलाई मुद्दा लाग्ने र क्याबिनेटबाट पास गराउने प्रधानमन्त्रीलाई कारवाही नहुनु कस्तो बिडम्बना हो ।' नेता थापाले भने ।

उनले अहिलेको सरकारले जन अपेक्षा अनुसार काम गर्न नसकेको आरोप समेत लगाएका छन् । नेता थापाले पार्टी भित्रका पनि कतिपय प्रवृत्ति बदल्दै लैजानु पर्ने बताए । जनताले अहिले सङ्गठित कांग्रेस खोजेको भन्दै उगले अब जनताको पक्षमा लाग्नुपर्ने समय आएको बताए ।

 

Comments

Top