- २०७६ माघ ११ गते
- हाम्रो बारे
- सम्पर्क
काठमाडौं । सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले चीनसँग आफ्नो जनस्तरको सम्बन्ध बनिसकेको बताएका छन् ।
नेपाल–चाइना मिडिया फोरमले आज काठमाडौंमा आयोजना गरेको एक कार्यक्रममा बोल्लै अध्यक्ष दाहालले भने–‘विगतमा हामी प्रो इन्डियन, प्रो चाइनिज र प्रो अमेरिकन होइन, हामी गणतन्त्रमा छौं, प्रो हुन छोडिदिऊँ, हामी त प्रो नेपाल हौं । समग्र मुलुकको समग्र विकास र हितका निम्ति सबैसँग अधिकतम सहयोग लिनेगरी एक भएर अघि बढौं, प्रो नेपाल बनौं ।’
आफू चीन भ्रमणमा निस्किन लागेको बताउँदै अध्यक्ष दाहालले चिनियाँ पक्षले प्रचण्डकै नेतृत्वमा टोली भ्रमणमा आओेस् भनेर चीनले प्रधानमन्त्री ओलीसँग चाहना राखेकाले आफू बेइजिङ जान लागेको जानकारी गराएका हुुन् ।
चिनियाँ राष्ट्रपति सी जिनपिङसँग आफ्नो आठ पटकसम्म भेट भइसकेको बताउँदै अध्यक्ष दाहालले आफ्नो भ्रमणले चिनियाँ राष्ट्रपति सी चिनफिङको भ्रमणको क्रममा भएका सहमति कार्यान्वयनमा सघाउ पुग्ने उनले बताए ।
Comments