सवारी दुर्घटनामा ४ जना घाईते

accident

सर्लाही । सवारी दुर्घटनामा परि सर्लाहीमा ४ जना घाईते भएका छन । सोमबार राति ईश्वरपुर नगरपालिका वडा नं ३ स्थित बनपोष्ट अगाडी भित्री सडक खण्डमा बयलबास बाट तिनघरीया तर्फ जादै गरेको प्रदेश २(०३(००१ स ११६४ नं।को अटो आफै अनियन्त्रीत भई पल्टिनजांदा अटोमा सवार २७ वर्षिया लिला आलेमगर , २६ वर्षिय होम बहादुर स्यङतान घाईते भएका हुन ।

घाईते दुबै जनाको त्रिदेव हेल्थ केयर बयलबासमा समान्य उपचार पश्चात थप उपचारको लागी लिला आलेमगरलाई काठमाण्डौ र होम बहादुर स्याङतानलाई बर्दीबास तर्फ रिफर गरिएको प्रहरीले जनाएको छ।अटो चालक बिजय बम्जन र अटो ईलाका प्रहरी कार्यलय केशरगंजको नियन्त्रनमा रहेको सर्लाही प्रहरीले जनाएको छ। यसैगरी चक्रघटा गउँपालिका वडा नं २ स्थित भित्री सडक खण्डमा अनटेस्ट नेपाली टेम्पुले पैदल यात्रीलाई ठक्कर दिदा दुई जना घाईते भएका छन ।घाईते हुनेहरुमा वडा नं २ बस्ने ३० वर्षिय रामप्रबेश यादव र २५ वर्षिय अरबिन्द कुमार यादव रहेका छन ।भेलही बाट सुन्दरपुर तर्फ आउदै गरेको टेम्पुले गए साझ पैदल हिडिरहेका रामप्रवेश र अरबिन्दलाई ठक्कर दिएका थिए ।

घाईते दुबै जनाको उपचार जिल्ला अस्पताल मलंगवा भईरहेको छ ।ठक्कर दिने टेम्पु सुन्दरपुर प्रहरी चौकीको नियन्त्रनमा रहेको र फरार रहेको चालकको खोजिकार्य भईरहेको जिल्ला प्रहरी कार्यलयका प्रहरी प्रवक्ता प्रतीत सिंह राठौरले जानकारी दिए ।