- २०७८ साउन १८ गते
- हाम्रो बारे
- सम्पर्क
काठमाडौं। नेपाल कम्युनिष्ठ पार्टी (नेकपा) का प्रभावशाली युवा नेता एवम् प्रतिनिधिसभाका सांसद महेश बस्नेतले भक्तपुरमा निर्माण गर्ने भनिएको वीर अस्पतालको बारेमा स्वास्थ्य तथा जनसंख्या मन्त्रीसँग जवाफ माग गरेका छन् ।
प्रतिनिधिसभाको स्वास्थ्य तथा जनसंख्या मन्त्रालयसँग सम्बन्धित बिषयमा प्रश्नोत्तर कार्यक्रममा बोल्दै सांसद बस्नेतले चाँगुनारायण नगरपालिकामा रहेको ७ सय रोपनी जग्गामा निर्माण गर्ने भनिएको बीर अस्पताल निर्माण प्रक्रियाको बारेमा प्रश्न गरेका हुन् ।
सांसद बस्नेतले भने–‘भक्तपुरको चाँगुनारायणमा वीर अस्पताल निर्माणको लागि ७ सय रोपनी जग्गा व्यवस्थापन गरियो तर, डिपिआर बनिसकेको अवस्थामा अहिले स्वयम् मन्त्रीज्यूको त्यहाँ निर्माण सम्भावना छैन भन्ने भनाइ सार्वजनिक हुँदा अन्यौलता सृजना भएको छ । यसलाई स्पष्ट पार्न अनुरोध गर्दछु ।’
सांसद बस्नेतले क्यान्सर रिलिज सोसाइटीले सञ्चालन गनरेको भक्तपुर क्यान्सर अस्पतालमा भ्रष्टाचार भएको बहानामा भक्तपुर नगरपालिकाले स्वयम् मेयरसावको उपस्थितिमा व्यवस्थापन समिति बनाउने र त्यसलाई हस्तक्षेप गर्ने र राजनीतिकरण गर्ने काम भइरहेको छ यसमा मन्त्रीज्यू जानकार हुनुहुन्छ कि हुनुहुन्न ? भन्दै प्रश्न समेत गरेका छन् ।
जसका कारण अहिले सयौं क्यान्सरका विरामीहरु अलपत्र परेका बताउँदै सांसद बस्नेतले यस्तो संवजेदनशील क्षेत्रमा जुन ढंगले राजनीतिकरण भएको छ । यसमा मन्त्रालयले के गर्ने सोच बनाएको छ ? भन्दै स्वास्थ्य तथा जनसंख्या मन्त्रीलाई प्रश्न गरेका थिए ।
सांसद बस्नेको प्रश्नको जवाफ दिंदै स्वास्थ्य तथा जनसंख्या मन्त्री उपेन्द्र यादवले भक्तपुरको दुवाकोटमा निर्माण प्रक्रिया अगाडि बढिरहेको बीर अस्पताल कुनै पनि हालतमा नरोकिने बताए ।
यादवले भने, ‘नेपालको सबैभन्दा ठूला र ड्रिम प्रोजेक्टका रुपमा विश्वस्तरीय हेल्थ इन्स्टिच्युट वीथ हस्पिटल बनाउने र वीर अस्पतालमा रहेको चिकित्सा विज्ञान राष्ट्रिय प्रतिष्ठान (न्याम्स) लाई त्यहाँ लैजाने तयारी भएको छ । उक्त स्थानमा विश्वस्तरीय शिक्षण, चिकित्सा र अनुसन्धान केन्द्र निर्माण गर्ने सोचाइ अनुरुप सरकारले डिपिआर बनाउने काम भएको छ ।’
मन्त्री यादवले यस सम्बन्धमा विज्ञहरुले प्रतिवेदन पनि दिइसकेकोले सरकारले यसमा बजेट समेत विनियोजन गरिसकेको पनि बताए ।
त्यसैगरी मन्त्री यादवले भक्तपुर क्यान्सर अस्पताल सरकारले सञ्चालन नगरेको हुँदा त्यसमा सरकारको ठाडो हस्तक्षेप गर्न नसकेको बताए ।
उनले भने–‘भक्तपुर क्यान्सर अस्पताल सरकारले सञ्चालन नगरी कुनै संस्थाले सञ्चालन गरेको छ । त्यसैले अस्पतालको व्यवस्थापन र प्रशासन त्यही संस्थाले गर्ने भएकाले त्यसमा सरकारले धेरै कुरा गर्न सक्दैन । त,र त्यहाँ भएका अनियमितताा वा अन्य कुराहरु रहेछन् भने त्यसमा सरकारको ध्यान गएको छ । यसमा सरकारले छानबिन र अनुगमन गर्ने कार्य गर्ने नै छ ।’
Comments