- २०७७ साउन २२ गते
- हाम्रो बारे
- सम्पर्क
काठमाडौं । प्रतिनिधिसभाले सुवास नेम्वाङको संयोजकत्वमा अध्ययन तथा सुझाव विशेष समिति गठन गरेको छ ।
नेकपा संसदीय दलका उपनेता नेम्वाङको संयोजकत्वमा समिति गठनसँगै प्रतिनिधिसभाको अवरोध खुलेको हो ।
सभामुख कृष्णबहादुर महराले संसदलाई प्रभावकारी बनाउन र गतिरोध अन्त्यका लागि संविधान, नियम र स्थापित मान्यताअनुसार सहमति गर्ने जिम्मेवारी समितिलाई दिएका छन् ।
सात सदस्यीय समितिमा नेकपाबाट नेम्वाङसहित, देव गुरूङ र बिन्दा पाण्डे सदस्य छन् । प्रमुख प्रतिपक्षी कांग्रेसका तर्फबाट पुष्पा भुषाल र मिनेन्द्र रिजाल, समाजवादी पार्टीका उमाशंकर अरगरिया र राष्ट्रिय जनता पार्टीका लक्ष्मणलाल कर्ण सदस्य छन् ।
समितिलाई एक महिनाको समय दिइएको छ । त्यसअघि सभामुख कृष्णबहादुर महराले प्रतिनिधिसभामा प्रतिनिधित्व गर्ने दलहरुको सर्वदलीय बैठक गरेका थिए ।
बैठकमा समिति गठनको सहमति जुटेको हो । प्रमुख प्रतिपक्षी दल नेपाली कांग्रेसले सर्लाहीका दुई घटनामा प्रहरीको भूमिकाबारे संसदीय छानबिन समिति गठनको माग गरेको थियो ।
Comments