- २०७७ साउन २२ गते
- हाम्रो बारे
- सम्पर्क
विराटनगर। भारतीय लागुऔषध डिलरसँग मिलेर शसस्त्र प्रहरीका हबल्दारले लागुऔषध खरिद बिक्री गर्दै आएको खुलेको छ । सुनसरीको अमडुवास्थित बिओपी पोस्टमा कार्यरत सशस्त्र प्रहरीका हवल्दार ३१ वर्षीय पूर्णबहादुर थापामगरलाई मंगलबार साँझ नेपाल प्रहरीको लागुऔषध नियन्त्रण व्यूरो विराटनगरको टोलीले ठूलो परिमाणको लागुऔषधसहित पक्राउ गरेसँगै यो रहस्य बाहिर आएको हो।
सशस्त्रमा बहालवाला भए पनि शंकास्पद रुपमा सीमा क्षेत्रबाट जोगवनी जाने र आउने क्रम बढ्न थालेपछि उनीमाथि नेपाल प्रहरीले निगरानी बढायो । लागुऔषध सेवनकर्ताका रुपमा उनलाई लामै समयदेखि नेपाल प्रहरीले निगरानीमा गर्दै आएको थियो ।
हवल्दार थापामगरको साथबाट प्रहरीले साइकलमा झुन्ड्याएको नाइलनको झोलामा लुपिजेसिक ९९ एम्पुल, एभिल ८६ एम्पुल, डाईजेल्याब सय एम्पुल, फेनारगन २४ एम्पुल गरी जम्मा तीन सय नौ एम्पुल लागुऔषध बरामद गरेको छ।
प्रहरी अनुसन्धानका क्रममा उनले भारतीय डिलर र नेपालमा पुलको काम गर्ने भरिया बनेर लागुऔषधको ओसारपसार गर्दै आएको खुलेको छ । उनी आँफै पनि लागुऔषध सेवनकर्ता समेत रहेको खुलेको छ ।
उनले भारतीय डिलर सञ्चालकबाट नेपाली व्यापारीसम्म ल्याइदिए वापत निश्चित रकम प्राप्त गर्ने गरेको पनि खुलेको छ । प्रहरी स्रोतका अनुसार बिओपी पोस्टमा कार्यरत अन्य शसस्त्र प्रहरीलाई उनको अबैध धन्दाको बारेमा जानकारी भए पनि चुपचाप बस्दै आएका थिए ।
Comments