मलेसियामाथि शानदार जीत हाँसिल गरेको नेपालद्धारा ओमनलाई २३० रनको लक्ष्य

nepal_1

   काठमाडौं । सोमबार भएको खेलमा मलेसियामाथि ९३ रनको लक्ष्य १३ ओभरमा पुरा गरेको नेपालले आज ओमनलाई २३० रनको लक्ष्य प्रस्तुत गरेको छ । आजको खेलमा कप्तान रोहित पौडेल र प्रतीष जिसी चम्किदा यू–१९ विश्वकप छनोटमा नेपालले ओमानलाई २३० रनको लक्ष्य प्रस्तुत गरेको हो । खेलमा कप्तान पौडेलले अर्धशतक (७५ रन) बनाउन सफल भए भने जिसीले सम्झनलायक ब्याटिङ गरे ।

मलेसियामा भइरहेको छनोट अन्तर्गत चौथो खेलमा टस हारेर पहिले ब्याटिङ गरेको नेपालले ४३.२ ओभरमा सबै विकेट गुमाएर २२९ रन बनाएको हो। नेपालको लागि कप्तान रोहितले ८१ बल खेल्दै ५ चौका र २ छक्काको मद्दतमा सर्वाधिक ७५ रन बनाए।

८१ रनमा ५ विकेट गुमेको अवस्थामा रोहितले भीम सार्कीसँग मिलेर छैटौँ विकेटका लागि ९२ रनको साझेदारी गरे। भीमले ४३ बल खेल्दै २ चौका र १ छक्काको मद्दतमा ३९ रन योगदान गरे।

१७८ रन हुँदा ९ विकेट गुमाएको नेपालको स्कोर उकास्ने क्रममा दशौँ नम्बरमा ब्याटिङ गरेका प्रतीषले ४१ रनको महत्वपूर्ण पारी खेले। उनले विष्फोटक ब्याटिङ गर्दै २३ बलमा २ चौका र ४ छक्का प्रहार गरे। दशौँ विकेटका लागि प्रतीषले सूर्य तामाङसँग नटआउट ५१ रनको साझेदारी गरे। सूर्य ७ रनमा नटआउट रहे।

Comments

Top