- २०७७ जेष्ठ १३ गते
- हाम्रो बारे
- सम्पर्क
काठमाडौं । सत्तारुढ दल नेपाल कम्युनिसट पार्टी (नेकपा) निकट विद्यार्थी संगठनले निर्मला पन्त हत्या प्रकरणमा प्रहरी महानिरीक्षक (आईजिपी) सर्वेन्द्र खनालको बर्खास्ती माग गर्दै गृहमन्त्रीसमक्ष ज्ञापनपत्र बुझाएपछि विद्यार्थी संगठनभित्रै विवाद उत्पन्न भएको छ ।
तत्कालिन एमाले निकट अनेरास्ववियु र माओवादी निकट अखिल क्रान्तिकारीभित्र विवाद भएको हो । बिहीबार विहान सांसद समेत रहेकी अनेरास्ववियु अध्यक्ष नविना लामा र क्रान्तिकारीका अध्यक्ष रञ्जित तामाङले गृहमन्त्रीलाई भेटेर आईजिपीलाई बर्खास्त गर्न माग गरेको थियो ।
तर, सत्तारुढ दलका विद्यार्थी संगठनले नै आईजीपीको राजीनामा र बर्खास्ती मागिनु सरकार विरुद्धकै कदम भएको भन्दै दुवै संगठनका अन्य नेताले आपत्ति जनाएका छन् । अनेरास्ववियुका महासचिव ऐन महर र अखिल क्रान्तिकारीका उपाध्यक्ष दिपेश पुनले गृहमन्त्री समक्ष बुझाइएको ज्ञापनपत्र र आइजिपीको बर्खास्तीको माग संस्थागत निर्णय नभएको दावी गरेका छन्।
पुनले दुईचार दिनको सस्तो लोकप्रियताका लागि यस्ता गैरजिम्मेवार कामामा नलाग्न नेतृत्वको ध्यानाकर्षण समेत गराएका छन् । तर, अखिल क्रान्तिकारीका उपाध्यक्ष सुरेन्द्र बस्नेतले भने दुवै संगठनका पदाधिकारीको छलफलबाटै सो ज्ञापनपत्र बुझाइएको दावी गरेका छन् ।
Comments