- २०७८ मंसिर २१ गते
- हाम्रो बारे
- सम्पर्क
न्यूयोर्क । न्यूयोर्कमा आएको आइडा नामक आँधीमा परी ३ जना नेपालीको दुखद निधन भएको छ ।
अमेरिकाको न्यूयोर्क राज्यमा आएको पछिल्लो प्राकृतिक विपत्ति वर्षापछि घर भित्र पानी पसेर आङ गेलु शेर्पा, उनकी श्रीमती मिङ्मा यङ्जी शेर्पा लामा र उनीहरुका १९ महिने छोरा लोप्साङ लामाको निधन भएको एनआरएनए अमेरिकाका अध्यक्ष सुनील शाहले सामाजिक सञ्जालमार्फत जनाएका छन् ।
नेपालको सोलुखुम्बु जिल्ला दुधकुण्ड नगरपालिका वडा नं २ जुनवेशी स्थायी घर भएका उनीहरु हाल न्युयोर्कमा बसोबास गर्दै आएका थिए ।
शाहले पछिल्लो समय अमेरिकाको न्यूयोर्क, न्यू जर्सी, लुजियाना लगायतका राज्यमा भारी बर्षा,आधीबेरी तथा बाढीका कारण धेरै धन जनको क्षति हुन पुगेको बताएका छन् । कयौं परिवार त्यसवाट प्रभावित भएको अवस्था छ । यस प्राकृतिक विपत्तिले अमेरिकन नेपाली परिवारहरुलाई पनि प्रभावित पारेको बताउँदै शाहले कठिन परिस्थितिमा सुरक्षित रहन अनुरोध गर्दै विपत्तिमा परेकालाई सहयोगका लागि अपिल समेत गरेका छन् ।
अमेरिकामा हाल सम्म ६ वटा राज्यमा वर्षा ,बाढी र घुम्रपात (टोरनाड़ो) को कारण ४५ जनाको मृत्यु भै सकेको छ भने न्यू जर्सीमा मात्र २३ जनाको निधन भएको जनाइएकोछ ।
Comments