सरकार–विप्लव समूह वार्ता निश्चित, सरकारले खटायो बादललाई, विप्लवले प्रकाण्ड खटाउँदै

काठमाडौं । सरकार र प्रतिबन्धित नेपाल कम्युनिस्ट पार्टी (नेकपा) नेत्रविक्रम चन्द्र विप्लव समूहबीच वार्ता हुने भएको छ । सोही वार्ताका लागि सरकारी टोलीसँग वार्ता गर्नका लागि प्रवक्ता खड्गबहादुर विश्वकर्मा प्रकाण्डलाई खटाउने भएको छ ।

सरकारले गृहमन्त्री रामबहादुर थापा बादल र राजन भट्टराई सम्मलिति २ जनाको वार्ता टोली गठन गरेसँगै विप्लव समूहले प्रवक्ता प्रकाण्डसहितको दुई सदस्यीय वार्ता टोली गठन गर्ने भएको छ ।

यसअघि नेकपासँग वार्ता गर्न गृहमन्त्री रामबहादुर थापा बादलको नेतृत्वमा वार्ता टोली गठन गरेको छ । प्रधानमन्त्रीका विदेश मामिला सल्लाहकार डा. राजन भट्टराई त्यसको सदस्य छन्।

सरकारी वार्ता टोलीको गठनपछि छिटै विप्लव पक्षको वार्ता टोली पनि सार्वजनिक हुने र छलफल अघि बढ्ने सरकारका प्रवक्ता पार्वत गुरुङले बताए ।