- २०७८ साउन २० गते
- हाम्रो बारे
- सम्पर्क
काठमाडौं । नेपाल कम्युनिस्ट पार्टी (नेकपा) को सचिवालय समितिको बैठक आज दिउँसो बस्ने भएको छ । पार्टीको आन्तरिक विवादलाई निष्कर्षमा पुर्याउन नसकेको पार्टी नेतृत्वले आजको बैठकमा निष्कर्षमा पुर्याउने अपेक्षा गरिएको छ ।
पार्टीको आन्तरिक विवाद एवं आगामी दिनमा पार्टीले गर्नुपर्ने कार्यका बारे भोलि (साउन ४) का लागि तय गरिएको स्थायी कमिटीको बैठक अघि शुक्रबार मात्र सचिवालय बैठक बालुवाटारमा बस्ने निर्णय गरिएको थियो । शुक्रबार पार्टी अध्यक्षद्वय केपी शर्मा ओली र पुष्पकमल दाहाल प्रचण्डबीच भएको छलफल पछि आजका लागि सचिवालय बैठक बोलाउने सहमति भएको हो ।
विवाद बढ्दै गएपछि ओली र प्रचण्डबीच पटक–पटक छलफलबाट सहमति जुटाउने प्रयास भए पनि कुनै सहमति हुन सकेको छैन । तर, पनि आजको बैठकले देश विषम परिस्थितिमा रहेको बेला पार्टी नेतृत्वले आन्तरिक विवाद समाधान गर्ने अपेक्षा गरिएको छ ।
Comments