थप ९ मा कोरोना संक्रमण, नेपालमा २ सय ६७ पुगे संक्रमित

Mynews_1

 

काठमाडौं । स्वास्थ्य तथा जनसंख्या मन्त्रालयले नेपालमा थप ९ जनामा कोरोना संक्रमण देखिएको जनाएको छ ।

मन्त्रालयद्वारा जारी विज्ञप्तिअनुसार पर्सा, उदयपुर, दाङ र काठमाडौंमा गरी थप ९ जनामा कोरोना संक्रमण देखिएको जनाइएको छ ।

मन्त्रालयका अनुसार धरानस्थित बीपी कोइराला स्वास्थ्य विज्ञान प्रतिष्ठानमा गरिएको परिक्षणअनुसार पर्साका २ जना ९ र १० वर्षीय बालक र २३ र ४७ वर्षीया महिला, उदयपुरमा २५ वर्षीय पुरुष र राप्ती स्वास्थ्य विज्ञान प्रतिष्ठानले दाङका दुई २३, ३६ र ३४ वर्षीय पुरुषमा कोरोना संक्रमण देखिएको जनाइएको छ । त्यस्तै काठमाडाैं सतुंगलका ७ वर्षीय बालकमा पनि कोरोना पोजेटिभ देखिएको मन्त्रालयले जनाएको छ । 

यससँगै नेपालमा कोरोना संक्रमितको संख्या २ सय ६७ पुगेको छ भने ती मध्ये ३६ जना उपचारपछि निको भएको जनाइएको छ ।

Comments

Top