उपत्यकामा विस्तार हुँदै कोरोना संक्रमण, नेपालमा युवापुस्ता बढी संक्रमित

Nepal

 

काठमाडौं । नेपालमा कोरोना संक्रमणका कारण पछिल्लो दिनमा संक्रमित हुनेको संख्या एक्कासी बढ्न थालेको छ । संक्रमित मध्ये प्रायःजसो तराईका जिल्लाका बासिन्दा रहेको तथ्यांक सार्वजनिक भइरहेका बेला उपत्यकामा फेरी थप १ जनामा संक्रमण देखिएको छ ।

काठमाडौं उपत्यकामा मंगलबार तीन जनामा देखिएको संक्रमण बिहीबार पुनः १ जनामा देखा परेको छ । यससँगै राजधानीमा कोरोना संक्रमणको जोखिम बढ्दो रहेको छ । 

बिहीबार उपत्यकाकै चन्द्रागिरी निवासी ३२ वर्षीय पुरुषमा देखिएको स्वास्थ्य तथा जनसंख्या मन्त्रालयले जनाएको छ ।

सरकारले २ दिन लकडाउनमा सामान्य खुकुलो बनाउँदा उपत्यका भित्रिएका मानिसहरुमा कोरोना संक्रमण देखिएको छ । ती दुईदिनमा राजधानीबाहिरका विभिन्न जिल्लाबाट उपत्यकामा मानिसहरु प्रवेश गरेका थिए ।

त्यस्तै अन्य देशहरुमा तुलनात्मक रुपमा वृद्ध मानिसहरुमा बढी देखिएको कोरोना संक्रमण नेपालमा भने युवा पुस्तामा बढी देखिएको छ । प्रायः गरी भारतलगायत तेस्रो मुलुकबाट आएका नेपालीमा देखिएको हुनाले काम गर्नसक्ने जनशक्ति विदेशमा गएको हुनाले युवाहरुमा बढी कोरोना देखिएको जनाइएको छ । पछिल्ला दिनमा देखिएका अधिकाशं संक्रमित १६ देखि ४० वर्ष उमेर समूहका रहेको तथ्यांकबाट यस कुराको पुष्टी भएको छ ।

पछिल्लो तथ्यांकअनुसार नेपालभर २ सय ५० जना संक्रमित देखिएको र ३५ जना उपचारपछि निको भइ घर फर्केको स्वास्थ्य मन्त्रालयले जनाएको छ । अस्पताल भर्ना भएका र आज देखिएका गरी २ सय १५ संक्रमितको स्वास्थ्य सामान्य रहेको पनि जनाइएको छ ।

Comments

Top