समुदाय–प्रहरी साझेदारी कार्यक्रम अन्तर्गत सचेतनामूलक कार्यक्रम सम्पन्न

1558079374police-public_20190205135505

झापा । समुदाय–प्रहरी साझेदारी कार्यक्रम अन्तर्गत कचनकवल गाउँपालिका–२ सुकुना डिगीस्थित सामुदायिक भवनको सभाहलमा आत्महत्या न्यूनीकरण र साइबर अपराध तथा सामाजिक सञ्जाल दुरुपयोग सम्बन्धी सचेतनामूलक कार्यक्रम सोमबार सम्पन्न भएको छ ।

कार्यक्रममा प्रतिनिधि सभा सदस्य राजेन्द्र लिङदेनले आत्महत्या कुनै प्रकारको रोग नभई मानवीय सोचको उपज रहेको उल्लेख गर्दै व्यक्ति स्वयम्ले सावधानी अपनाउन सकेमा आत्महत्याका घटना न्यूनीकरण हुने बताए ।

उक्त अवसरमा जिल्ला प्रहरी कार्यालय झापाका प्रमुख प्रहरी उपरीक्षक कृष्ण प्रसाद कोईरालाले साइबर अपराध तथा सामाजिक सञ्जालको परिचय, कानूनी व्यवस्था, सामाजिक सञ्जाल प्रयोग गर्दा ध्यान दिनुपर्ने कुराहरुका साथै साइबर अपराध हुनरगर्न नदिन अपनाउनु पर्ने तरिका लगायतका विषयमा प्रशिक्षण प्रदान गर्नुभएको थियो । साथै बीएण्डसी अस्पताल बिर्तामोडका डा. सन्दर्भ अधिकारीले आत्महत्या सम्बन्धि तथ्याङ्क प्रस्तुत गर्नुका साथै आत्महत्या न्यूनीकरण के–कसरी गर्न सकिन्छ भन्ने विषयमा प्रशिक्षण प्रदान समेत दिएका थिए ।

जिल्ला प्रहरी कार्यालय झापा र समुदाय–प्रहरी साझेदारी पालिका समिति कचनकवल झापाको संयुक्त आयोजना तथा बीएण्डसी अस्पताल बिर्तामोडको समन्वय र सहकार्यमा आयोजित उक्त कार्यक्रममा कचनकवल गाउँपालिकाका प्रमुख तथा उपप्रमुख, स्थानीय तहका पदाधिकारीहरु, स्थानीय संचारकर्मी, स्थानीय भद्रभलादमी, शिक्षक, अभिभावक र लक्ष्मीप्रसाद देवकोटा माबिका विद्यार्थीहरुको सहभागिता रहेको थियो ।

Comments

Top