राम्दीपुललाई पुनर्जीवन दिँदै रायमाझी

Narayan
 
काठमाडाैं । पाल्पाको झडेवामा जन्मिएका नारायण रायमाझीका परिचय धेरै छन । उनि राम्रो संगीतकार हुन । राम्रो गायक हुन । राम्रो फिल्म मेकर हुन । शब्द रचनामा पनि उत्तिकै प्रखर छन । त्यो भन्दा पनि नेपाली लोक संस्कृतिको संरक्षक र कलाकारका आदरणीय अभिभावक हुन् । हरेक नयाँ पुराना कलाकारहरुलाई रायमाझी उत्तिकै माया गर्छन् ।
 
विश्वव्यापी कोभिड १९ ले परदेशी २ फिल्मको शुटिंग रोकिए सँगै पुराना आफ्ना शृजनाहरुलाई लाईभ रेकर्डिङ मार्फत स्रष्टामाझ पस्किरहेका रायमाझीले यतिबेला निकै लोकप्रिय धेरै नेपालीको मन जित्न सफल 'राम्दी पुल' बोलको गित पुन: रेकर्डिंग गरेर सार्वजनिक गरेका छन् ।
 
रायमाझीका गित प्राय कालजयी छन् । उनका हरेक गितले नेपालको लोक परिवेश बोलेको हुन्छ । माटो र भोगाईका गित हुन्छन । आज साठ्ठी लाख बढी नेपाली आफ्नो रोजीरोटीको लागी परदेशमा मजदुरी गर्न विवश छन् । गीतले तिनै नेपालीको पिडा बोलेको छ । 'राम्दी पुल तरने बित्तिकै बाँचे भेट मरे त यत्तिकै' यो गितका हरेक शब्द मुटुमा बिझाउने खालका छन् । 
 
राम्दी पुल' स्रोताको मनमा राज गरिसकेको गित हो । कल्याण शेरचनले लय दिएको गितमा पुरानी चर्चित गायिका शर्मिला गुरुङ र नारायण रायमाझीले स्वर दिएका छन् । गितको रचना कल्याण शेरचन र स्वयं रायमाझीले गरेका हुन् ।
 
गितको मिक्सिङ श्यामस्वेत रसाईलीले गरेका छन् भने कलाकारहरु उदिराम खड्का रत्न बिक, धर्म गन्धर्व, विवेक खड्का र बिरमा खड्काको भूमिका रहेको गितको छायांकन मिराज अर्यालले गरेका हुन् 

Comments

Top